ԵՐԵՎԱՆ, օգոստոսի 27 – Sputnik. Մասնագիտությամբ տնտեսագետ Հովհաննես Գաբրիելյանը պատրաստվում է Գինեսի ռեկորդ սահմանել՝ առանց հատուկ միջոցների լողալով անցնելով Սևանա լիճը ծայրից ծայր(74կմ)։ Տեղեկությունը տարածվել է սոցցանցերում։
Գաբրիելյանը սկսել է լողալ ժամը 16։00-ին Կարճաղբյուր համայնքի լողափից։ Նախատեսված է, որ նա կավարտի իր լողը օգոստոսի 28–ին Փիրուզե լողափում:
Նրան ուղեկցում է նավակում գտնվող թիմը, որը պարբերաբար կհրապարակի կադրեր մարաթոնից։