ԵՐԵՎԱՆ, 12 օգոստոսի – Sputnik. Ռուսաստանի արտգործնախարար Սերգեյ Լավրովն այսօր հեռախոսազրույց է ունեցել ԱՄՆ պետքարտուղար Մարկո Ռուբիոյի հետ: Նրանք քննարկել են օգոստոսի 15–ին կայանալիք ՌԴ–ի և ԱՄՆ–ի նախագահների հանդիպումը։ Այս մասին տեղեկանում ենք ՌԴ ԱԳՆ կայքից։
«Օգոստոսի 12-ին հեռախոսազրույց է տեղի ունեցել ՌԴ ԱԳ նախարար Սերգեյ Լավրովի և ԱՄՆ պետքարտուղար Մարկո Ռուբիոյի միջև։ Քննարկվել են օգոստոսի 15–ին Ալյասկայում կայանալիք Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի հանդիպման նախապատրաստման որոշ հայեցակետեր»,– ասված է հաղորդագրության մեջ:
Նշվում է, որ կողմերը հաստատել են երկու երկրների ղեկավարների հանդիպումը հաջողությամբ անցկացնելու տրամադրվածությունը:
Կրեմլը և Սպիտակ տունն ավելի վաղ հայտարարել էին, որ Ռուսաստանի նախագահ Վլադիմիր Պուտինը և ԱՄՆ առաջնորդ Դոնալդ Թրամփը կհանդիպեն օգոստոսի 15–ին Ալյասկայում: