Պերուի մայրաքաղաք Լիմայի արվարձանում հայտնաբերվել են ավելի քան 1000 տարի առաջ թաղված տղամարդու աճյունի մնացորդներ։ Հնագետներն աճյունի մնացորդները գտել են մեկ այլ հնագույն դամբարանի մոտակայքում, որտեղ գազատարի կառուցման աշխատանքների ժամանակ կնոջ մումիա էր հայտնաբերվել։
Հունիսին «Cálidda» գազային ընկերությունը հայտնել էր, որ Պուենտե Պիեդրա շրջանում հողային աշխատանքներ կատարելու ժամանակ հայտնաբերվել է կապոց, մեջը` կնոջ աճյունի մնացորդներ։ 1000-1100 տարի առաջ թաղված կինը մահվան պահին 20-25 տարեկան է եղել:
Երկու թաղումներն էլ առնչվում են նախաինկյան Չանկայ մշակույթին: Այս եզրակացությունն արվել է կերամիկական իրերի նախշերի շնորհիվ։