Թուրքիան կսկսի ադրբեջանական գազի մատակարարումը Սիրիա

ԵՐԵՎԱՆ, 30 հուլիսի - Sputnik. Թուրքիան կսկսի Ադրբեջանից Սիրիա գազի մատակարարումը։ Այս մասին Anadolu գործակալությանը հայտնել է Թուրքիայի էներգետիկայի և բնական պաշարների նախարար Ալփարլսան Բայրաքթարը։

Մատակարարումների ծավալների մասին չի հաղորդվում։

Հիշեցնենք՝ ադրբեջանական գազը Սիրիա արտահանելու վերաբերյալ պայմանավորվածության մասին հայտարարել էին Ադրբեջանի նախագահ Իլհամ Ալիևն ու Սիրիայի անցումային շրջանի նախագահ Ահմեդ աշ-Շարաան՝ Բաքվում։