Հաղթարշավը շարունակվում է. Արոնյանը Լաս Վեգասում հաղթեց աշխարհի երկրորդ շախմատիստին

ԵՐԵՎԱՆ, 18 հուլիսի - Sputnik. Freestyle Chess Grand Slam Las Vegas շախմատային սուպերմրցաշարի քառորդ եզրափակիչում Հայաստանի հավաքականի նախկին առաջատար Լևոն Արոնյանը (ԱՄՆ) 2,5:1,5 հաշվով պարտության մատնեց աշխարհի երկրորդ շախմատիստ, ամերիկացի Հիկարու Նակամուրային։

Կիսաեզրափակիչում Լևոն Արոնյանը կմրցի հնդիկ Էրջուն Էրիգայիսիի հետ։

Կիսաեզրափակիչի մյուս զույգը ամերիկացիներ Ֆաբիանո Կարուանան և Հանս Նիմանն են։

Հիշեցնենք, որ 1/8 եզրափակիչում Լևոն Արոնյանը երկու պարտիաներում հաղթել էր աշխարհի ուժեղագույն շախմատիստ Մագնուս Կարլսենին:

Freestyle Chess Grand Slam Las Vegas-ի մրցանակային հիմնադրամը 750 հազար դոլար է, հաղթողը կստանա 200 հազար դոլար։