Փաստաբան Վահան Հովհաննիսյանը տեղեկացրել է, որ «Սրբազան պայքարի» մասնակիցների նկատմամբ քրեակատարողական հիմնարկներում ռեպրեսիաներ են տեղի ունենում։ Նրա խոսքով՝ այդ գործով կալանավորվածների խցերում խիստ, երբեն դաժան խուզարկությունների նպատակը նախկին ու նոր կալանավորվածների միջև հակասություն ձևավորելն է, որ նախկինները սկսեն խոսել, թե մինչև նրանց գալը հանգիստ կալանք են կրել։ Վահան Հովհաննիսյանը գրում է, որ նման ծրագրի հեռահար նպատակը, մյուս կալանավորների միջոցով, հակաիշխանական կալանավորի հայացքներն ու վարքագիծը փոխելն է:
Sputnik Արմենիայի հետ զրույցում «Հինգ իրավապաշտպանների նախաձեռնության» անդամ Ռուբեն Մելիքյանը հստակեցրել է, որ Վահան Հովհաննիսյանի տեղեկությունները «Նուբարաշեն» քրեակատարողական հիմնարկից են։