ԱՄՆ նախագահ Դոնալդ Թրամփի վարչակազմը խիստ հակասական է իր գործողություններում և հայտարարություններում, դա չի հեշտացնում աշխատանքը: Այնուամենայնիվ, ինչպես լրագրողներին տված հարցազրույցում ասել է Ռուսաստանի փոխարտգործնախարար Սերգեյ Ռյաբկովը, ՌԴ ԱԳՆ-ն համառորեն, հետևողականորեն ընթանում է հարաբերությունների կարգավորման ուղղությամբ։
«Վաշինգտոնում զգացվում են, այսպես ասած, պատժամիջոցային ճիգեր, որոնց չի կարելի ուշադրություն չդարձնել։ Բայց, մեծ հաշվով, նոր պատժամիջոցների սպառնալիքները մեզ համար արդեն սովորական են դարձել։ Սա, իհարկե, կարևոր, բայց ոչ որոշիչ պահ է։ Մենք գիտենք, թե ինչպես դիմակայել պատժամիջոցներին»,-ասել է նա։
Փոխնախարարը հիշեցրել է, որ վերջին տարիներին Ռուսաստանում մշակվել են գործիքներ, սխեմաներ, որոնք թույլ են տալիս այս կամ այն կարիքները զգալի չափով լրացնել ներմուծման փոխարինման հաշվին։
«Մեր շատ ոլորտների աճը պայմանավորված է հենց դրանով։ Մենք շարունակելու ենք աշխատել այստեղ, իսկ մենք, որպես արտաքին քաղաքական գերատեսչություն, առավելագույնս կգործենք մեր ներքին շարունակական զարգացման համար օպտիմալ լուծման եզրեր ստեղծելու առումով»,-ասել է նա։
Ռյաբկովը նաև հավելել է, որ թեև պատերազմի հրձիգ երկրներում «կրակի հետ խաղալու» սիրահարներ կան, սակայն ԵՄ-ում կան մարդիկ, ովքեր հասկանում են Ռուսաստանի հետ բարեկամության անհրաժեշտությունը: