Երևանում կայացած «Հարավային Կովկաս. դիմակայությո՞ւն, թե՞ համագործակցություն» թեմայով քննարկմանը «Այլընտրանք» հետազոտական կենտրոնի ղեկավար, տնտեսագետ Թաթուլ Մանասերյանին Sputnik Արմենիան խնդրել է մեկնաբանել, թե ի՞նչ գաղափարի շուրջ և ի՞նչ ոլորտներում կարող է ձևավորվել Հարավային Կովկասի երկրների միջև համագործակցությունը։ Պրոֆեսոր Մանասերյանը նշել է, որ անշուշտ հակամարտությունների հետ ապագան կապել հնարավոր չէ, բայց նաև տարածաշրջանային համագործակցությունը կախված է ոչ միայն Հայաստանից։ Կա նաև 3-րդ սցենարը` մեկուսացումը հարևաններից, բայց այդպես վարվում են ազգային օրակարգ ունեցող երկրները, օրինակ` Իրանը և Իսրայելը։