ԵՐԵՎԱՆ, 30 հունիսի - Sputnik. Ուկրաինայի զինված ուժերի կամիկաձե դրոնը գրոհել է Դոնեցկի Հանրապետության Գորլովկա քաղաքի բանկի մասնաճյուղի վրա։ Այս մասին հաղորդում է ՌԻԱ Նովոստին:
Հարվածը հասցվել է բաժանմունքի մուտքի վերևի քիվին: Վնասվել է շենքի տանիքը, ապակեպատումը և ճակատային մասը։
«Կամիկաձե անօդաչուն Գորլովկայում հարձակվել է բնակելի շենքի վրա, հարվածել Կոմսոմոլսկայա փողոցում գտնվող բանկի մասնաճյուղին։ Շենքի ճակատային մասի աննշան վնաս է գրանցվել», - հայտնել են ԴԺՀ-ի ղեկավարի և կառավարության աշխատակազմի՝ Ուկրաինայի ռազմական հանցագործությունների փաստագրման հարցերով վարչությունից:
Ականատեսների խոսքով՝ թեթև վիրավորում է ստացել մեկ խաղաղ բնակիչ։
Գորլովկան գտնվում է Դոնեցկից 50 կմ հյուսիս։ Քաղաքում են տեղակայված «Ստիրոլ» քիմիական կոնցեռնը և ածխահանող ձեռնարկությունները։