ԵՐԵՎԱՆ, 26 հունիսի - Sputnik. Մաքսային ոլորտում «մեկ պատուհանի» պարզության վերաբերյալ Հայաստանի փորձը պետք է ԵԱՏՄ բոլոր երկրներում։ Մինսկում կայացած Եվրասիական տնտեսական համաժողովի ընթացքում այս մասին հայտարարեց Եվրասիական տնտեսական հանձնաժողովի մաքսային համագործակցության հարցերով նախարար Ռուսլան Դավիդովը։
Դավիդովը Պետեկամուտների կոմիտեի ներդրած «մեկ պատուհանի» էլեկտրոնային համակարգն այնքան պարզ է կազմված, որ նույնիսկ անփորձ գործարարին թույլ է տալիս հեշտությամբ լրացնել մաքսային հայտարարագրերը, ներկայացնել ապրանքագիր, ստանալ թույլատրող փաստաթղթեր:
«Եկեք մտածենք, թե ինչպես կարելի է տարածել ձեր փորձը», - ասաց Դավիդովը՝ դիմելով ՀՀ պետական եկամուտների կոմիտեի նախագահի տեղակալ Ռաֆայել Գևորգյանին, որը քննարկմանը մասնակցում էր տեսակոնֆերանսի ռեժիմով:
Իր հերթին Եվրոպական բիզնեսի ասոցիացիայի գլխավոր տնօրեն Տաձիո Շիլինգը, որը նույնպես մասնակցում է քննարկմանը, կարևորեց (ԵԱՏՄ սահմանը հատող միջազգային բեռների համար) մաքսակետով անցնելու ժամանակի կրճատումը մինչև 10 րոպե: Նա հիշեցրեց, որ այդ ցուցանիշը որպես նպատակային է ներկայացրել նաև Ռուսաստանի նախագահ Վլադիմիր Պուտինը։
Եվրասիական տնտեսական միությունը միջազգային ինտեգրացիոն տնտեսական միավորում է, որը գործում է 2015 թվականի հունվարի 1-ից: Միության անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը: