ԵՐԵՎԱՆ, 19 հունիսի – Sputnik. Երևանի Իսակովի պողոտայում այսօր ՃՏՊ է տեղի ունեցել թիվ 23 երթուղին սպասարկող քաղաքային ավտոբուսի մասնակցությամբ, պարզվել է, որ ավտոբուսի վարորդը եղել է ոչ սթափ։ Տեղեկությունը հայտնում է «Երևանի ավտոբուս» ՓԲԸ-ի խոսնակ Գեղամ Ասատրյանը։
«Առավոտյան ժամը 07:15-ին «Երևանի ավտոբուս» ՓԲԸ-ի բուժակների կողմից հավաքակայանում ամենօրյա ստուգումների արդյունքում վարորդը երթուղի դուրս գալիս եղել է սթափ։
Վարորդից վերցվել է բացատրություն, պարզվել է, որ նա ալկոհոլ է օգտագործել հավաքակայանից դուրս գալուց հետո սկզբնակետում։
Վարորդն ազատվել է աշխատանքից։