ԵՐԵՎԱՆ, 12 հունիսի – Sputnik. ՀՀ նախագահ Վահագն Խաչատուրյանը Ռուսաստանի օրվա առթիվ այցելել է Հայաստանում ՌԴ դեսպանատուն։ Այս մասին հայտնում է նախագահի մամուլի ծառայությունը։
Նշվում է, որ ՀՀ նախագահը շնորհավորել է Ռուսաստանի օրվա առթիվ և ի դեմս դեսպան Սերգեյ Կոպիրկինի՝ Ռուսաստանի եղբայրական ժողովրդին մաղթել բարեկեցություն, խաղաղություն և բարգավաճում։
Հունիսի 12-ը, որպես Ռուսաստանի օր, նշվում է 1990–ից, այն նշանավորում է Ռուսաստանի անկախության հռչակումը ԽՍՀՄ-ից։