Արդեն մի քանի օր է` ԱՄՆ-ում բողոքի ցույցերը չեն դադարում։ Ավելին` ակցիաներն օրեցօր ավելի ագրեսիվ են դառնում և ընդլայնում աշխարհագրությունը։
Կրքերը բորբոքվեցին, երբ Միգրացիոն և մաքսային ոստիկանությունը (ICE) սկսեց անօրինական միգրանտներին հայտնաբերելու գործողություններ իրականացնել։
Նախ ակցիաներ անցկացվեցին Լոս Անջելեսի արվարձաններում։ Հունիսի 6-ին ցուցարարները ճանապարհներ փակեցին և Մեքսիկայի դրոշներով դուրս եկան փողոցներ, բայց հետո խաղաղ ակցիաները վերածվեցին ոստիկանության հետ բախումների:
Այսօր հայտնի դարձավ, որ անկարգություններ են տեղի ունեցել նաև Վաշինգտոնում և Սիեթլում։