ԵՐԵՎԱՆ, 10 հունիսի - Sputnik. Էդուարդ Սպերցյանի դուբլը ապահովվեց Հայաստանի հավաքականի ոչ-ոքի արդյունքը Չեռնոգորիա հետ արտագնա ընկերական խաղում՝ 2։2։
Շատ արագ գոլ խփելով՝ որոշակի փոփոխությունների ակնկալիք ստացանք։ Բայց Սպերցյանի խփած գնդակից մի քանի րոպե անց հերթական բացթողումը պաշտպանությունում, ու շատ արագ էլ գնդակ ընդունեցինք սեփական դարպասը։ Մեկնարկը թիմերի համար խոստումնալից էր, բայց հետո խաղը, մեղմ ասած, այնքան էլ հետաքրքիր ընթացք չունեցավ։
Սխալները երկկողմանի բավականին շատ էին, արագությունը մեծ չէր, բայց այսպիսի պայմաններում էլ մերոնք հերթական սխալը թույլ տվեցին պաշտպանությունում ու հայտնվեցին պարտվողի դերում, որը, ցավոք, սովորական է դարձել։ Երկրորդ խաղակեսի վերջնամասում մեր թիմն ավելի ակտիվ ու թարմ տեսք ուներ, ու գոլային պահեր ստեղծեց։ Եվ այդ ֆոնի վրա Էդուարդ Սպերցյանը տուգնայինից խփեց պատասխան գնդակը։ Կարող էինք նաև հաղթել, եթե Նարեկ Գրիգորյանը իրացներ իր հնարավորությունը։
Հիշեցնենք, որ հունիսի 6-ին Հայաստանի հավաքականը 2:5 հաշվով պարտվել էր Կոսովոյի թիմին:
Հաջորդ հանդիպումը հավաքականը անցկացնելու է այս տարվա սեպտեմբերին։ 2026 թվականի Աշխարհի առաջնության ընտրական փուլի շրջանակում մեր թիմը հյուրընկալելու է Պորտուգալիայի հավաքականին։