Ստամբուլում մեկնարկել Է Ուկրաինայի և Ռուսաստանի պատվիրակությունների հանդիպումը

Ստամբուլում մեկնարկել է Ռուսաստանի և Ուկրաինայի պատվիրակությունների հանդիպումը թուրքական կողմի ներկայությամբ: Հանդիպումը բացել է Թուրքիայի ԱԳ նախարար Հաքան Ֆիդանը։

Նա նշելէ, որ Ռուսաստանն ու Ուկրաինան Ստամբուլում բանակցությունների երկրորդ փուլում կքննարկեն հրադադարի պայմանները և գերիների ու քաղաքացիական անձանց փոխանակումը:

Նախատեսվում է նաև քննարկել ղեկավարների հանդիպման հարցը։

Անկարան ակնկալում է ռուս-ուկրաինական բանակցությունների արդյունավետությունը, Թուրքիան պատրաստ է անել անհրաժեշտ ամեն ինչ Ուկրաինայում հակամարտության կարգավորման համար, հայտարարել է Ֆիդանը:

Նա հստակեցրել է, որ Թուրքիայի ղեկավար Ռեջեփ Էրդողանը կապի մեջ է իր գործընկերների՝ Պուտինի և Զելենսկու հետ։ Թուրքնախարարի խոսքից հետո բանակցությունները շարունակվել են փակ դռների հետևում։