Լոռու մարզպետը հրաժարվում է պաշտոնից

ԵՐԵՎԱՆ, 2 հունիսի - Sputnik. Արամ Ղազարյանը հայտնել է, որ հրաժարական է տալիս Լոռու մարզպետի պաշտոնից և դադարեցնում է իր քաղաքական և կուսակցական գործունեությունը։

Արամ Ղազարյանը հատուկ երախտագիտություն է հայտնել ՀՀ վարչապետին վստահության և «այն մեծ պատվի համար, որ հնարավորություն է տվել իրեն ծառայելու իր հարզատ Լոռու մարզին՝ որպես մարզպետ»։

Արդեն նախկին մարզպետը շնորհակալություն է հայտնել նաև Լոռու մարզի բնակիչներին, մարզպետի աշխատակազմին և համայնքապետներին, գործընկեր մարզպետներին, ինչպես նաև Տարածքային կառավարման և ենթակառուցվածքների նախարարին ու նրա տեղակալներին։

Ղազարյանն անհատական շնորհակալություն է հայտնել գործադիր և օրենսդիր իշխանության գործընկերներին ու իր կուսակից ընկերներին` միասնական աշխատանքի և գաղափարական համախմբվածության համար։

Sputnik Արմենիայի տեղեկություններով` Արամ Ղազարյանը նշանակվելու է ՀՀ ոստիկանապետի պաշտոնում։

Հիշեցնենք` Ղազարյանը ՀՀ Լոռու մարզպետ էր նշանակվել 2024 թվականի հունվարի 18–ին։