Երևանի ավագանու «Մայր Հայաստան» խմբակցությունը հունվարի 23-ին դիմում էր ներկայացրել Վարչական դատարան՝ ընդդեմ ավագանու՝ «Երևան համայնքում տեղական վճարների 2025 թվականի դրույքաչափերը սահմանելու մասին» 2024 թվականի որոշման հավելվածի որոշ դրույթներ, դրանք ուժի մեջ մտնելու պահից անվավեր ճանաչելու պահանջով։
Վարչական դատարանը մայիսի 23-ին անվավեր է ճանաչել Երևանում «կարմիր գծերի» համար սահմանված տեղական վճարին վերաբերող` ավագանու որոշման դրույթները:
Դատարանն արձանագրել է, որ քաղաքապետարանը որևէ ձևով չի ապացուցել, որ վճարը կտրուկ թանկացրել է ծառայությունների որակը բարելավելու նպատակով, բացի այդ, դատարանը իրավաչափ չի համարել` կարմիր գծերի տուրքը թանկացնելով` փողոցները բեռնաթափելու պատճառաբանութունը։
Առաջին անգամ չէ, որ «Մայր Հայաստան» խմբակցությունը «կարմիր գծերի» համար սահմանված տուրքերի հետ կապված հաղթում է դատարանում, սակայն Երևանի քաղաքապետարանը բողոքարկում է դատարանի որոշումները։ Այս անգամ ևս քաղաքապետարանը չի ընդունում իր պարտությունն ու որոշել է բողոքարկել դատարանի որոշումը։
«Մեն պայքարելու ենք թե՛ քաղաքական, թե՛ իրավական դաշտում»,-Sputnik Արմենիայի հետ զրույցում նշել է Երևանի ավագանու «Մայր Հայաստան» խմբակցության անդամ Սամվել Հակոբյանը։