ՀՀ վարչապետ Նիկոլ Փաշինյանը ՌԴ ԱԳ նախարար Սերգեյ Լավրովի հետ հանդիպման ժամանակ հայտարարել է, որ գոհ է ՌԴ նախագահ Վլադիմիր Պուտինի հետ դինամիկ երկխոսությունից և ընդհանուր առմամբ դրական է գնահատում երկկողմ հարաբերությունների դինամիկան:
Նա նշել է, որ մշտական խորհրդակցություններ են ընթանում, իսկ փոխվարչապետները շատ սերտորեն աշխատում են Եվրասիական տնտեսական միության շրջանակներում և երկկողմ հարաբերությունների հարցերի շուրջ:
Հանդիպման ընթացքում զրուցակիցները քննարկել են նաև Հայաստան-Ռուսաստան երկկողմ օրակարգին, տարածաշրջանային և միջազգային անվտանգությանը վերաբերող հարցեր:
Ավելի վաղ Լավրովը, ելույթ ունենալով Հայ-ռուսական համալսարանի ուսանողների առջև, ասել էր, որ Հայաստանն ու Ռուսաստանն անցել են փոխադարձ անվստահության և վիրավորանքի փուլը, քանի որ կան իրական փաստեր, և մենք հիմա ելնելու ենք դրանցից: Նրա խոսքով ՝ Մոսկվան և Երևանն այժմ նախընտրում են առաջնորդվել միայն իրական փաստերով ։ ՆաԵրևանում բանակցություններ է վարել Հայաստանի արտգործնախարարի հետ, նրան ընդունել է Հայաստանի նախագահը։