ԵՐԵՎԱՆ, 30 ապրիլի – Sputnik. Ակտիվիստ Արթուր Չախոյանն ազատ է արձակել ապօրինի ձերբակալումից։ Այս մասին հայտնել է փաստաբան Վահե Եփրիկյանը։
«Նա կշարունակի հոսպիտալացված մնալ Սուրբ Գրիգոր Լուսավորիչ ԲԿ֊ում։ Ակնկալում եմ քննչական մարմնից խոշտանգման, մարմնական վնասվածքներ պատճառելու ու խուլիգանության հանցակազմերով պատշաճ քննություն, համապատասխան քրեաիրավական գնահատական` ի դեմս Նոր Նորքի թաղապետի ու նրա առերևույթ հանցակիցների»,– գրել է փաստաբանը ֆեյսբուքյան էջում։
Հիշեցնենք` ակտիվիստ Արթուր Չախոյանն այսօր գնացել էր թաղապետարան` իր հասցեին հայհոյանքներ հնչեցնելու համար պատասխան պահանջելու վարչական ղեկավար Տիգրան Տեր–Մարգարյանից։ Այնտեղ ծեծկռտուք էր սկսվել թաղապետարանի աշխատակիցների, թաղապետի և Արթուր Չախոյանի միջև։ Ակտիվիստն այժմ «Սուրբ Գրիգոր Լուսավորիչ» ԲԿ–ում է։
Նոր Նորքի թաղապետարանում ծեծկռտուքից հետո 6 անձ է ձերբակալվել։ Քրեական վարույթ է նախաձեռնվել մի խումբ անձանց կողմից ֆիզիկական ներգործություն հոդվածով։