ԵՐԵՎԱՆ, 18 ապրիլի – Sputnik. Արդեն մի քանի ժամ է` «Viva»–ի կապը խափանվել է, քաղաքացիները բողոքում են համացանցի բացակայությունից և զանգեր կատարելու դժվարություններից։ «Viva» ընկերությունը բացատրել է պատճառը։
«Առանձին տեղանքներում տվյալների փոխանցման ծառայությունների հասանելիության դժվարություններ կան ենթահամակարգերից մեկի վթարի պատճառով»,– ասված է հայտարարությունում։
Ընկերությունը վստահեցնում է, որ արագ արձագանքման թիմը անհրաժեշտ միջոցներ է գործադրում խնդիրը վերացնելու ուղղությամբ։
Ցանցի աշխատանքն աստիճանաբար վերադառնում է բնականոն ռեժիմի: