Մեղրիում Նիկոլ Փաշինյանն առաջին հայացքից զավեշտալի հայտարարություն արեց, որ «Եթե Երևանում ամեն մեկն ատամ լվանալիս 5 վայրկյան ավել ոչ նպատակային օգտագործի ջուրը, կնշանակի՝ Շվանիձորի նման 62 համայնք ջրից կզրկվի»։ Սա զավեշտ է միայն առաջին հայացքից։ Բանական մարդն անշուշտ, հասկանում է, որ Երևանում ատամ լվանալը Մեղրիում ջուր չլինելու հետ որևէ կերպ չի կապվում, թեև ջրի խնայողությունն անշուշտ կարևոր է։
Փաշինյանի այս խոսքերի հետևում թաքնված, խորքային հարց ու վտանգ տեսան քաղաքական վերլուծաբանները։ Նրանք հիշեցրեցին, որ Հայաստանի ջրերային ռեսուրսները հոսում են Ադրբեջան և Բաքուն պարտադրում է Երևանին քիչ օգտագործել և մաքուր պահել գետերն ու ավազանները: Ալիևն էլ առաջարկում է ստեղծել «Անդրսահմանային գետերի օգտագործման կարգավորման» հանձնաժողով։ Ադրբեջանցիները մշտապես կրկնում են, որ պետք է ֆիզիկապես հասանելիություն ստանան Հայաստանի ամենամեծ ջրային ավազանին` Սևանա լճին։
Իրակա՞ն է արդյոք վտանգը և ինչ էր նշանակում Փաշինյանի հայտարարությունը Մեղրիում. թեմայի շուրջ Sputnik Արմենիան զրուցել է տեխնիկական գիտությունների թեկնածու, Հայաստանի ջրային կոմիտեի նախկին նախագահ Ինեսսա Գաբայանի հետ։