ԵՐԵՎԱՆ,11 ապրիլի - Sputnik. Ռուսաստանի և Իրանի հարաբերությունները ռազմական ոլորտում զարգանում են, բայց դրանք ուղղված չեն երրորդ երկրների դեմ։ Այս մասին, ինչպես փոխանցում է ՌԻԱ Նովոստին, հայտարարել է Մոսկվայում Իրանի դեսպան Քազեմ Ջալալին։
«Մեր ռազմական հարաբերությունները երրորդ երկրների դեմ չեն։ Մենք զարգացնում ենք ոլորտը, մեր խոսակցություններն այդ հարցերի շուրջ զարգանում են», - ասել է դեսպանը «Ռոսիա-24»ալիքին տված հարցազրույցում։
Դիվանագետն ընդգծել է, որ ռազմական ոլորտում Ռուսաստանի և Իրանի հարաբերությունները զարգանում են երկու երկրների միջև համապատասխան համաձայնագրերի հիման վրա: