ԵՐԵՎԱՆ, 7 ապրիլի – Sputnik. ՌԴ Կրասնոդարի երկրամասում ՀՕՊ համակարգի կողմից խոցված ուկրաինական անօդաչուներից մեկն ընկել է երկաթուղային գծերի վրա, վնասվել է պաստառն ու կոնտակտային ցանցը, տուժածներ չկան, հայտնում է տարածաշրջանային օպերատիվ շտաբը։
ՌԴ ՊՆ-ն ավելի վաղ հայտնել էր, որ ՀՕՊ հերթապահ միջոցները անցած գիշեր Ռուսաստանի երկնքում մոտ 20 ուկրաինական անօդաչու են խոցել, այդ թվում՝ վեց անօդաչու Կրասնոդարի երկրամասում։
«Տիմաշյովսկի շրջանի միասնական հերթապահ դիսպետչերական ծառայության տվյալներով՝ ՀՕՊ համակարգի կողմից ճնշված ուկրաինական անօդաչուներից մեկն ընկել է Կուբանեց և Տանցյուրա-Կրոմարենկո գյուղերի միջև ընկած երկաթուղային գծի վրա: Վնասվել են պաստառն ու կոնտակտային ցանցը: Տուժածներ չկան, հրդեհ չի բռնկվել», – ասվում է օպերատիվ շտաբի Telegram-ում:
Նշվում է, որ տեղում աշխատում է «Ռուսական երկաթուղիների» վթարային բրիգադը, Տիմաշյովսկից վերանորոգման և վերականգնման գնացք է ներգրավվել։
Ընդգծվում է, որ հետևանքների վերացմանը ներգրավված է 27 մարդ և 7 միավոր տեխնիկա։ Աշխատանքների ընթացքում գնացքների երթևեկությունը կազմակերպվել է վնասված հատվածի շրջանցմամբ, միջադեպի հետևանքով երթևեկության ուշացումներ չկան։