ԵՐԵՎԱՆ, 6 ապրիլի - Sputnik. Եմենի հյուսիսում իշխող «Անսար Ալլա» շիական շարժումը հարձակվել է Կարմիր ծովի հյուսիսային մասում գտնվող ռազմական նավերի, այդ թվում՝ ամերիկյան Harry Truman ավիակրի ապահովման նավի վրա: Այս մասին հայտարարել է հութիների ռազմական ներկայացուցիչ Յահյա Սարիան։
«Մի քանի ժամ շարունակ հրթիռային զորքերը, ռազմաօդային ուժերը, ինչպես նաև անօդաչու համակարգերի ուժերը ծովային ուժերի հետ միասին Կարմիր ծովի հյուսիսում մասնակցել են ռազմանավերի հետ բախումներին, որոնց թվում եղել է նաև ամերիկյան Truman ավիակիրը, օգտագործելով թևավոր հրթիռներ և անօդաչու թռչող սարքեր»,-ասվում է հութիների ռազմական ներկայացուցչի հայտարարության մեջ:
Ինչպես նշել է Սարիան, շարժումը բալիստիկ հրթիռով հարվածել է ամերիկյան Harry Truman ավիակրի ապահովման նավին:
Նախանցած շաբաթվա վերջից, երբ ԱՄՆ-ն սկսեց հարվածներ հասցնել Եմենին, հութիները վերսկսել են Իսրայելի տարածքի վրա հարձակումները, որոնք դադարեցվել էին հունվարին՝ Գազայի հատվածում հրադադարի մեկնարկից հետո: Ավելի վաղ հութիների առաջնորդ Աբդել Մալիք Ալ Հուսին նախազգուշացրել էր, որ «Անսար Ալլան» կվերսկսի հարձակումները Իսրայելի հետ կապված նավերի վրա Կարմիր և Արաբական ծովերում, եթե Իսրայելը շարունակի պաղեստինյան Գազայի հատվածի շրջափակումը: