«Քաղաքացիական պայմանագիր» խմբակցության պատգամավոր Վիլեն Գաբրիելյանը վայր դրեց մանդատը։ Պատճառն ըստ նրա ֆեյսբուքյան գրառման` կիրակի Գյումրիում իր մասնակցությամբ միջադեպն էր, որը նա համարել է պատգամավորի վարքին ոչ վայել։ Միջադեպը հետևյալն էր` լրագրողը մոտեցել էր Գյումրիում շրջող Գաբրիելյանին ու փորձել էր հասկանալ, թե խմա՞ծ է արդյոք պատգամավորը։ Նա էլ ըստ ամենայնի` ոչ սթափ վիճակում սեռական բնույթի հայհոյանքով պահանջել էր, որ տեսանյութը չհրապարակվի:
Տեսանյութը հրապարակվեց, լրագրողներն էլ պահանջեցին պատգամավորից ներողություն խնդրել ու վայր դնել մանդատը: Այս պատմությունը իշխող ուժն ու նրա պատգամավորը ներկայացնում են որպես բարոյական նորմերի նկատմամաբ հարգանքի արահայտություն, բայց իշխանական պատգամավորները հայտնի են լրագրողների նկատմամաբ ոչ հարգալիաց, վիրավորական վերաբերմունքով ու արտահայտություններով, վերջին օրինաներից մեկը Անդրանիկ Քոչարյան-Հռիփսիմե Ջեբեջյան միջադեպտն էր և Անդրանիկ Քոչրայանը, համենայնդեպս դեռ մանդատը վայր չի դրել։ Վիլեն Գաբրիելյանն էլ` նույն ինքը Նավակ ճոճողը, Քաղպայմանագրի սիրելի դեմքերից մեկն էր, ուրեմն ինչու նրան չներվեց այն, ինչը ներվում է Անդրանիկ Քոչարյանին։
Քաղտեխնոլոգ Արմեն Բադալյանն ուշադրություն է հրավիրում լրագրողի հետ երկխոսության այն հատվածին, որտեղ դիտարկմանը, թե պետք է վայր դնի մանդատը, Վիլեն Գաբրիելյանն արձագանքել է բառացի ասելով հետևյալը․ «2026-ին իշխանությունը փոխվելու ա, էլ խի՞ եմ մանդատս վայր դնում»։ Ե՛վ խմածությունը, և՛ հայհոյանքներն ու կոնֆլիկտը լրագրողի հետ նրան թեևս ներվեին, բայց ոչ ճիշտ վայրում և ոչ ճիշտ ժամանակ հնչած այդ հայտարարությունը` ոչ։