ԵՐԵՎԱՆ, 29 մարտի – Sputnik. Ամերիկացի հայտնի գործարար, միլիարդատեր Իլոն Մասկը X սոցիալական ցանցը վաճառել է իր xAI ստարտափին։
«xAI-ը ձեռք է բերել X-ը բաժնետոմսերի գնման գործարքի միջոցով: xAI ստարտափն արժե 80 միլիարդ դոլար, իսկ X սոցցանցը՝ 33 միլիարդ դոլար (եթե 45 միլիարդ դոլարից հանենք 12 միլիարդ պարտքը)», - գրել է Մասկը X սոցցանցում։
Նա ընդգծել է, որ երկու ընկերությունների ապագան փոխկապակցված է։
«Այսօր մենք պաշտոնական քայլ ենք կատարում տվյալների, մոդելների, տաղանդի համադրման ուղղությամբ։ Այս համադրությունը կբացահայտի հսկայական ներուժ ՝ համատեղելով xAI-ի AI-ի առաջադեմ հնարավորություններն ու փորձը X-ի հսկայական ծածկույթի հետ: Դա մեզ թույլ կտա ստեղծել հարթակ, որը ոչ միայն արտացոլում է աշխարհը, այլև ակտիվորեն արագացնում է մարդկության առաջընթացը», - նշել է գործարարը։
xAI ընկերությունը զբաղվում է Grok արհեստական ինտելեկտի մշակմամբ, որը ներկայացվել է 2023-ի նոյեմբերին։ Մարտին նա բացել է Grok-ի սկզբնական գաղտնագիրը։