ԵՐԵՎԱՆ, 28 մարտի - Sputnik. ՀՕՊ ուժերը գիշերը անօդաչու թռչող սարքեր են ոչնչացրել Ռուսաստանի 7 շրջանների երկնքում։ Այս մասին հայտնել են ՌԴ պաշտպանության նախարարությունից:
«Անցած գիշերվա ընթացքում ՀՕՊ-ի հերթապահ միջոցները որսացել և ոչնչացրել են 78 ուկրաինական անօդաչու թռչող սարք»,-հայտնել են գերատեսչությունում:
ՌԴ ՊՆ–ից մանրամասնում են, որ 32 ԱԹՍ ոչնչացվել է Վորոնեժի, 19-ը` Սարատովի, 17-ը` Կուրսկի, 6-ը` Բելգորոդի, 2-ը` Լիպեցկի, 1–ական` Ռոստովի և Տամբովի մարզերի երկնքում։
Ավելի վաղ Վորոնեժի մարզպետ Ալեքսանդր Գուսևը հայտնել էր, որ ԱԹՍ-ի հարձակման հետևանքով տուժածներ և ավերածություններ չկան: Շրջաններից մեկում անօդաչու թռչող սարքի բեկորների ընկնելու հետևանքով չոր խոտ է բռնկվել, կրակը մարել են:
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։