Իշխանությունների համար Գյումրիում ընտրությունների արդյունքները հոգեբանական նշանակություն ունեն.Բադալյան

Sputnik
Գյումրիում կիրակի օրը նախանշված ավագանու և քաղաքապետի ընտրություններին ընդառաջ, իրավապահները կոռուպցիոն վարույթի շրջանակում երեկ խուզարկություններ սկսեցին ընտրություններին մասնակցելու հայտ ներկայացրած ընդդիմադիր «Մայր Հայաստան» կուսակցության գրասենյակում և «Մեր քաղաքը» դաշինքի կողմից առաջադրված Գյումրու համայնքապետի թեկնածու, Ազգային ժողովի «Պատիվ ունեմ» խմբակցության պատգամավոր Մարտուն Գրիգորյանի տանը։
Խուզարկություններից հետո իրավապահները ձերբակալեցին «Մայր Հայաստան» դաշինքի ներկայացուցիչ Էմմա Գրիգորյանին, ինչպես նաև Մարտուն Գրիգորյանի հորն ու որդուն` ընտրակաշառքի կասկածանքով։
Մարտի 30-ին նախանշված ՏԻՄ ընտրությունների շեմին իշխանությունների վարքագծի մասին, Sputnik Արմենիայի հետ զրույցում իր դիտարկումներն է ներկայացրել քաղտեխնոլոգ Արմեն Բադալյանը։
Նրա խոսքով` Իշխանությունների կողմից վախի մթնոլորտ ստեղծելը միշտ հակառակ արդյունքն է ունեցել։ «Իշխանությունների համար Գյումրիում ընտրությունների արդյունքները հոգեբանական նշանակություն ունեն, քանի որ վարչապետն իր այսօրվա քաղաքականությունը սկսել է Գյումրիից».-արձանագրել է Բադալյանը։