ԵՐԵՎԱՆ, 27 մարտի — Sputnik. Եգիպտոսի Հուրգադա հանգստավայրի ափերի մոտ ստորջրյա զբոսանավի կործանման հետևանքով զոհվել է հինգ ռուսաստանցի, նրանց թվում երկու անչափահաս կա: Տեղեկությունը ՌԻԱ Նովոստիին հայտնել է Հուրգադայում ՌԴ գլխավոր հյուպատոսությունը։
Դատախազությունը հայտնել է, որ Հուրգադայում զբոսաշրջային սուզանավի խորտակման հետևանքով զոհերի թիվը հասել է 7-ի: Նավի անձնակազմը նույնպես մահացել է։
Ողբերգությունը, նախնական տվյալներով, տեղի է ունեցել զբոսաշրջային սուզանավի` խութին բախվելու պատճառով, բախման հետևանքով նավի հերմետիկությունը խախտվել է։
Mash-ի տվյալներով՝ «Սինբադ» ստորջրյա նավը սկսել է խորտակվել նավամատույցի մոտ։ Ուղևորներից մեկի խոսքով՝ զբոսաշրջիկների մի մասն արդեն ներսում է եղել։ Ովքեր դեռ ափին էին, փորձել են դուրս բերել նրանց։ Քանի որ դռները բաց են եղել, ջուրն արագ ներս է լցվել։
Ավելի վաղ հաղորդվել էր, որ 38 ռուսաստանցի փրկվել է: Սուզանավում եղել է Ռուսաստանի 45 քաղաքացի։