Մասնավոր անձը Հայաստանում 3 թիկնապահից ավելի չի կարող ունենալ, և նրանք բոլորը պետք է պահպանվող անձի հետ նույն մեքենայում լինեն։ Հավելյալ ուղեկցող մեքենաներ ունենալ չեն կարող։ Մի կողմից լավ է, որ օրինակ` սրճարանում,որտեղ մի բիզնեսմեն կա ամբողջ շրջակայքը թիկնապահներով լցված չի լինի, բայց մյուս կողմից` մասնագետները, որոնք իրականացնում են պահնորդական ծառայություն, նշում են, որ նոր կարգավորումները խնդիրներ են ստեղծելու։
Օրինագիծը սահմանում է, որ պաշտպանվող անձին տեղափոխող մեքենայում կարող են լինել առավելագույնը երեք թիկնապահներ, նրանց թվում նաև վարորդ-թիկնապահը։ Եթե հաշվի առնենք,որ վարորդ-թիկնապահ հասկացություն չկա, ինչպես չկա նաև վարորդ-հսկիչ հասկացությունը, ստացվում է, որ մեքենայում տեղ չի մնում այլևս նույնիսկ պահպանվող անձի կնոջ համար։
Օրենքի փոփոխությունը Sputnik Արմենիան խնդրել է մեկնաբանել նախկին փոխոստիկանապետ Սամվել Հովհաննիսյանին։