ԵՐԵՎԱՆ, 25 մարտի - Sputnik. Իսրայելի պաշտպանության բանակը (ՑԱԽԱԼ) հարված է հասցրել սիրիական Թադմոր և Т4 բազաների ռազմական օբյեկտներին։ Այս մասին հայտնում է ՏԱՍՍ-ը` հղում անելով բանակի մամուլի ծառայությանը։
«Որոշ ժամանակ առաջ Իսրայելի պաշտպանության բանակը հարված է հասցրել սիրիական Թադմոր և Т4 ռազմաբազաներում մնացած ռազմական օբյեկտներին»,-ասվում է հայտարարության մեջ:
Մամուլի ծառայությունում ընդգծել են, որ ՑԱԽԱԼ-ը «կշարունակի գործել` Իսրայելի քաղաքացիներին ուղղված ցանկացած սպառնալիք վերացնելու համար»:
Հիշեցնենք` 2024 թվականի դեկտեմբերի 8-ին Սիրիայում զինված ընդդիմության իշխանության գալուց հետո իսրայելական ավիացիան լայնածավալ ռմբակոծություններ սկսեց երկրի տարբեր նահանգներում գտնվող ռազմաօդային ուժերի բազաների, գիտահետազոտական կենտրոնների և պաշտպանական արդյունաբերության օբյեկտների ուղղությամբ։