Հայ-ադրբեջանական սահմանագծի երկայնքով երբեմն արձանագրվում են կրակոցներ, որոնք չեն թիրախավորում Հայաստանի տարածքը, հայտարարել է Հայաստանի պաշտպանության նախարարությունը։
«Ինչպես Իրանի, այնպես էլ Հայաստանի համար մեր պետությունների միջև սահմանի անքակտելիությունը կենսական նշանակություն ունի».-Իրանի արտգործնախարարի հետ ասուլիսում հայտարարել է Հայաստանի արտգործնախարար Արարատ Միրզոյանը։
«Իրանը կողմ է տարածաշրջանում հաղորդակցության ուղիների բացմանը, սակայն դա պետք է արվի միայն երկրների տարածքային ամբողջականության և ինքնիշխանության ներքո».-հայտարարել է պաշտոնական այցով Հայաստանում գտնվող Իրանի արտգործնախարար Աբբաս Արաղչին։