Հայաստանում արտոնություններ սահմանեցին տեղական հումքից մետաղական իրեր արտադրողների համար

Մետաղի ջարդոն
Սուբսիդավորում կստանան այն ընկերությունները, որոնք վերամշակման համար ձեռք կբերեն Հայաստանում ձուլվող մետաղական կաղապարներ։
Sputnik
ԵՐԵՎԱՆ, 20 մարտի – Sputnik. Հայկական ընկերությունները արտոնություններ կստանան տեղական հումքից մետաղական իրերի արտադրության համար, ինչպիսիք են կաղապարներն ու կիսահումքերը։
Կառավարության այսօրվա նիստում ընդունված որոշման համաձայն՝ ձեռնարկությունները կկարողանան սուբսիդավորում ստանալ արտադրական վարկերի տոկոսադրույքի 10%-ի չափով։
50 կգ և ավելի քաշով խոզերի ներմուծման համար ՀՀ–ն ժամանակավոր սահմանափակում է կիրառում
Հայաստանում մի քանի տարի է, ինչ զարգանում է մետաղական ջարդոնի վերամշակման վրա հիմնված մետալուրգիական ոլորտը։ Դրա արտահանումն արգելված է, սակայն արգելքը չի տարածվում դրանից ձուլված կաղապարների վրա, որոնք շարունակում են արտերկիր արտահանել։
Մետալուրգիայի ներքին շուկան ներկայացված է հիմնականում շինարարության համար նախատեսված ամրանների արտադրությամբ, սակայն պետությունը խնդիր է դնում ընդլայնել տեխնոլոգիապես ավելի բարդ արտադրանքի՝ մալուխների, մետաղալարերի և ռադիատորների արտադրությունը։
Երկրում հումքի վերամշակումը խթանելու համար կառավարությունը արտոնյալ պայմաններ կառաջարկի այն ընկերություններին, որոնք հետագա վերամշակման համար ձեռք կբերեն կաղապարներ և կիսահումքեր։ Այդ նպատակների համար 2025 թվականին նախատեսվում է մոտ 1,5 մլն դոլար հատկացնել։
Նոր տուգանք. էլեկտրամոբիլ քանդողները կարող են զրկվել օրվա հացից
Իշխանությունների գնահատականներով՝ մետաղագործական ձեռնարկություններն արդեն ավելի քան 100 մլն դոլար են ներդրել ոլորտի զարգացման համար։