ԵՐԵՎԱՆ, 17 մարտի – Sputnik․ Այսօր Երևանի Քանաքեռ–Զեյթուն վարչական շրջանում սպանություն է տեղի ունեցել։ Տեղեկությունը հայտնում է shamshyan.com–ը։
ՀՀ ՆԳՆ ոստիկանությունը ժամը 18։00–ի սահմաններում տեղեկություն է ստացել, որ շտապօգնության բժիշկների հերթապահ խումբը Լեփսիուսի փողոցի 19 շենքի մոտից «Միքայելյան» վիրաբուժական ինստիտուտ է տեղափոխել մեկ դի և մեկ վիրավոր։
Դեպքի վայրում հայտնաբերվել են արնանման հետքեր, հագուստ։
Քրեական վարույթ է նախաձեռնվել սպանության հոդվածով։
Մահացածի և վիրավորի ինքնությունը, ինչպես նաև դեպքի հանգամանքները պարզվում են, միջոցառումներ են ձեռնարկվում մասնակիցներին և հանցագործության գործիքը հայտնաբերելու ուղղությամբ։