Ռուսաստանի, Չինաստանի և Իրանի ռազմածովային ուժերը «Ծովային անվտանգության գոտի 2025» զորավարժություններ են անցկացրել Օմանի ծոցում։
Ռուսաստանն այս զորավարժություններում օգտագործել է «Ռեզկիյ», «Գերոյ Ռոսիյսկոյ Ֆեդերացիի Ալդար Ցիդենժապով» ռազմանավերը, ինչպես նաև Խաղաղօվկիանոսյան նավատորմի «Պեչենգա» ծովային միջին լցանավը:
Զորավարժությունների ընթացքում միացյալ ուժերով որոնել են պայմանական ահաբեկիչների կողմից գրավված նավը, ինչպես նաև հատուկ ստորաբաժանումների համատեղ գործողություն մշակել նավն ազատելու համար: Նավերի անձնակազմերը երկու օր շարունակ խոշոր տրամաչափի գնդացիրներից և հրաձիգից կրակ են արձակել պայմանական հակառակորդի անօդաչուների և ծովային դրոնների ուղղությամբ:
«Ծովային անվտանգության գոտի 2025» զորավարժություններն անցկացվում են յոթերորդ անգամ (առաջին անգամ անցկացվել են Արաբական ծովում 2018 թվականին)։
Զորավարժություններին մշտական հիմունքներով մասնակցում են Իրանի բանակի ռազմածովային ուժերը, Ռուսաստանի ռազմածովային նավատորմն ու Չինաստանի ժողովրդական ազատագրական բանակի ռազմածովային ուժերը։