Կիևն այնքան զենք ունի, որ մատակարարման դադարեցումից հետո էլ կբավականացնի ամիսներ շարունակ

ԵՐԵՎԱՆ, 11 մարտի – Sputnik. Ուկրաինա այնքան զենք է ներկրվել, որ նույնիսկ մատակարարումները դադարեցնելուց հետո այն կբավականացնի երկար ամիսներ։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ ելույթ ունենալով Տնտեսագիտության բարձրագույն դպրոցում կայացած համաժողովի ժամանակ։

Մարտի 11-ին ՌԴ հակաօդային պաշտպանությունը հետ է մղել Մոսկվայի ուղղությամբ ուկրաինական ԱԹՍ–ների ամենազանգվածային հարձակումը։ ՊՆ–ի տվյալներով՝ Մոսկվայի մարզում մոտ 100 ուկրաինական անօդաչու է խոցվել, իսկ ամբողջ երկրի տարածքում` ավելի քան 330։ ՌԴ առողջապահության նախարարությունից հայտնել են, որ Մոսկվայի մարզում 2 մարդ է մահացել, 18-ը` տուժել, այդ թվում` երեք երեխա։ Հարձակման փաստով քրեական գործ է հարուցվել ահաբեկչության հոդվածով։

Նրա կարծիքով` եթե Իլոն Մասկն անջատի իր կապն Ուկրաինայի զինված ուժերի համար, Կիևն անմիջապես այլընտրանք կստանա։

Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։

Ուկրաինայում մարտական գործողություններն ընթանում են մինչ օրս։

Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։