Մարտի 30-ին տեղական ինքնակառավարման մարմինների արտահերթ ընտրություններ են նախանշված Գյումրիում ու Փարաքարում։ Միայն Գյումրիում ընտրություններին մասնակցելու համար առաջադրվել են 13 կուսակցություններ ու դաշինքներ։
Անցած շաբաթավերջին այդ երկու համայնքներ էր այցելել վարչապետ, «Քաղպայմանագիր» կուսակցության ղեկավար Նիկոլ Փաշինյանը։
Գյումրու քպ-ականների հետ հանդիպմանը Փաշինյանը հայտարարել էր, թե իրենց դեմ ընտրապայքարի մեջ մտածները դուրս են եկել գողացածն ու թալանածը պաշտպանելու վերջին ճակատամարտի։ Այդ համատեքստում Փաշինյանը թվարկել է Հայաստանի երկրորդ ու երրորդ նախագահների անունները։ Ի՞նչ խնդիր է լուծում վարչապետը և որքանով կաշխատեն առաջիկա ընտրություններում նրա թեզերը, Sputnik Արմենիայի հետ զրույցում մեկնաբանել է քաղտեխնոլոգ Արմեն Բադալյանը։
Քաղտեխնոլոգի կարծիքով` նախկինների մասին` վարչապետ Նիկոլ Փաշինյանի թեզը այս անգամ գրեթե չի աշխատելու։