ԵՐԵՎԱՆ, 9 մարտի – Sputnik. Ուկրաինայի ԶՈւ–ն երկու HIMARS հրթիռով հարվածել է Խերսոնի մարզում գտնվող շուկայի վրա, ինչի հետևանքով կան զոհեր և բազմաթիվ վիրավորներ։ Այս մասին հայտնել է շրջանի ղեկավար Վլադիմիր Սալդոն։
Պաշտոնյայի խոսքով` հրթիռային հարվածի ժամանակ շուկայի տարածքում տասնյակ խաղաղ բնակիչներ, ինչպես նաև ֆերմերներ են եղել, որոնք եկել էին իրենց ապրանքը վաճառելու։
Դեպքի վայրում այժմ ճգնաժամային ծառայություններն են աշխատում, բոլոր տուժածներին համապատասխան օգնություն է ցուցաբերվում։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։