Խոշտանգումների կանխարգելման որևէ ինստիտուտ հայ գերիներին չի այցելել Sputnik Արմենիայի հետ զրույցում ասել է իրավապաշտպան Սիրանուշ Սահակյանը` խոսելով Բաքվում ապօրինի պահվող հայերի խոշտանգումների մասին։
Արցախի ռազմաքաղաքական ղեկավարության նկատմամբ Բաքվում իրականացվող կեղծ դատավարությունների վերջին տեսանյութերում Արցախի նախկին նախագահ Բակո Սահակյանի ու նախկին պետնախարար Ռուբեն Վարդանյանի դեմքերին անկնհայտ երևում են բռնության հետքեր։
Նույն օրերին Բաքվից տեղեկւթյուններ տարածվեցին, թե այդ երկրում մտադիր են փակել Կարմիր Խաչի Միջազգային կոմիտեի ներկայացուցչությունը, որը միակ միջազգային կառույցն է, որին իրավունք է տրված այցելել հայ գերիներին ու ապահովել նրանց կապը հարազատների հետ։
Ադրբեջանական լրատվամիջոցներն էլ հաղորդեցին, թե գերիներին այցելել է Ադրբեջանի ՄԻՊ–ը, բանտային պայմանների մասին վկայող լուսանկարներ տարածեցին և իհարկե հերքեցին խոշտանգումների մասին լուրերը, հակառակ լուսանկարներում պարզորոշ երևացող խոշտանգումների հետքերին ու գերիների հյուծվածությանը։