ԵՐԵՎԱՆ, 5 մարտի – Sputnik. ԱՄՆ նախագահ Դոնալդ Թրամփը հայտարարել է, որ Ջո Բայդենից խլել են ԱՄՆ-ի բյուջեից հսկայական միջոցներ Ուկրաինային ռազմական օգնություն տրամադրելու համար։ Այս մասին նա հայտարարել է ԱՄՆ ներկայացուցիչների պալատի և սենատի առջև ունեցած ելույթի ժամանակ։
«Մենք, հավանաբար, ծախսել ենք 350 մլրդ դոլար։ Դա նման է երեխայից կոնֆետ խլելուն։ Ահա թե ինչ է տեղի ունեցել։ Իսկ եվրոպացիները 100 մլրդ դոլար են ծախսեցին։ Մեծ տարբերություն է», – նրա խոսքերն է մեջբերում ՌԻԱ Նովոստին։
Ամերիկացի առաջնորդը քննադատել է նաև Սպիտակ տան նախկին առաջնորդ Ջո Բայդենին ուկրաինական հակամարտության վրա միլիարդավոր դոլարներ ծախսելու համար՝ առանց դրան վերջ տալու ցանկության։
Ավելի վաղ Թրամփն ասել էր, որ ցանկանում է Ուկրաինայի հետ հազվագյուտ հողերի հետ կապված գործարք կնքել՝ ԱՄՆ-ի ծախսերը փոխհատուցելու համար: Թրամփի և Զելենսկու հանդիպումը կայացավ փետրվարի 28-ին և ավարտվեց կոնֆլիկտով, ինչի պատճառով Զելենսկին վաղաժամ լքեց Սպիտակ տունը։ ԱՄՆ-ի և Ուկրաինայի միջև գործարքը չեղարկվեց։ Մասնավորապես, Թրամփը Զելենսկուն մեղադրեց նրանում, որ նա Երրորդ համաշխարհային պատերազմի հետ է խաղում և պատրաստ չէ խաղաղության։