Անցած ամառվանից հեղուկ գազի գինը սկսեց զգալիորեն բարձրանալ` 60-ից 70 դրամից հասնելով այսօր արդեն 210 դրամի։ Փորձագետները նշում են, որ ձմռանը հեղուկ գազի գինը սովորաբար բարձրանում է։ Մրցակցության պաշտպանության հանձնաժողովի նախագահ Գեղամ Գևորգյանը դեռ անցած տարի ամռանը լրագրողների հետ զրույցում ասել էր, թե հեղուկ գազի գնի բարձրացման պատճառը միջազգային բորսայում գրանցված թանկացումն է։
Ըստ Գևորգյանի` շուկան մրցակցային է, և հեղուկ գազ ներկրող ընկերությունների թիվը ոչ թե պակասել, այլ ավելացել է` հասնելով 98-ի, և նրանցից ոչ մեկը շուկայում 10 տոկոսից ավելի մասնաբաժին չունի։
«Հեղուկ գազի գնի բարձրացումն ավելի շատ պայմանավորված է գյուղատնտեսական աշխատանքների մեկնարկով».-Sputnik Արմենիայի հետ զրույցում կարծիք է հայտնել տնտեսագետ Հրայր Կամենդատյանը։