ԵՐԵՎԱՆ, 2 մարտի – Sputnik. Հայ թենիսիստուհի Էլինա Ավանեսյանը չի անցել Մեքսիկայի Մերիդա քաղաքում ընթացող WTA-500 մրցաշարի եզրափակիչ։
Էլինան երկու սեթում պարտվել է ԱՄՆ ներկայացուցիչ, աշխարհի 10-րդ ռակետ Էմմա Նավարոյին (3:6, 3:6):
Բայց Էլինա Ավանեսյանը դարձավ Հայաստանից առաջին թենիսիստը, որը դուրս է եկել WTA-500 մրցաշարի կիսաեզրափակիչ։
Նշենք, որ Merida Open մրցաշարի մրցանակային ֆոնդը գերազանցում է 1 մլն դոլարը։