ԵՐԵՎԱՆ, 24 փետրվարի - Sputnik. Ուկրաինայի վերաբերյալ ՄԱԿ-ի Գլխավոր ասամբլեայի հակառուսական բանաձևին աջակցող երկրների թիվը 2022 թվականից ի վեր նվազել է՝ 141-ից հասնելով 93-ի։ Տեղեկությունը փոխանցում է ՌԻԱ Նովոստիի թղթակիցը։
Ավելի վաղ ՄԱԿ-ի Գլխավոր ասամբլեան հավանություն էր տվել հակառուսական տեքստին, որում Մոսկվայից պահանջում են «անհապաղ, ամբողջությամբ և անվերապահորեն» դուրս բերել իր բոլոր զինված ուժերը Ուկրաինայի տարածքից: Այն նաև պարունակում է ռազմական գործողությունները դադարեցնելու մասին ՌԴ–ին ուղղված ավանդական միակողմանի կոչը։
Միևնույն ժամանակ բանաձևի նախագծում որևէ կերպ չեն դատապարտվում և չեն հիշատակվում Կիևի ահաբեկչական հարձակումները ՌԴ խաղաղ քաղաքացիների դեմ, ինչպես նաև Կուրսկի շրջանում Ուկրաինայի զինված ուժերի ներկայությունը: Տեքստում չկա նաև ազգերի ինքնորոշման իրավունքի մասին հիշատակում, որն ամրագրված է ՄԱԿ-ի կանոնադրության մեջ։
Համապատասխան բանաձևին 93 երկիր կողմ է քվեարկել, 18-ը՝ դեմ, 65-ը՝ ձեռնպահ։ Դեմ քվեարկողների թվում են եղել նաև Բելառուսը, Իսրայելը, Հունգարիան և Ռուսաստանը:
Ընդ որում, 2022 թվականի մարտին հավանության արժանացած նույնատիպ նախագծին աջակցել էր 141 պետություն։ Այն ժամանակ ձեռնպահ էր մնացել 5 պետություն, դեմ էր քվեարկել 35–ը։