Փետրվարի վերջին, անդադար զգուշացումներից ու կանխատեսումներից հետո, այդուհանդերձ անակնկալ եկած ձյունը քաղաքային իշխանության գլխին թափվեց քննադատությունների տեղատարափով։ Երևանի սպիտակած փողոցներում մուգ, հսկա քարերի պես շարվեցին գովազդված MAN ավոբուսները։ Բարեփոխված տրասպորտային համակարգը, որի ծառայությունից օգտվելու համար քաղաքի իշխանությունը պարտադրում է վճարել 150 դրամ, երևանցիներին թողեց դրսում։ Հարկերով ու տուրքերով Երևանի բյուջեն ձևավորած քաղաքացիները, բառի իսկական իմաստով, փողոցում մենակ մնացին` հաղթահարելով ձյան տակ սառչելով մի կերպ տուն հասնելու մարտահրավերը։
Ինչու նոր ու ժամանակակից, սիրուն ավտոբուսներն անշարժացան ձնածածկ փողոցներում։ Տրամաբանությունը հուշում է երկու պատասխան` փողոցները չեն մաքրվել, ավտոբուսների անվադողերը ձմեռային չէին։ Առաջինի վերաբերյալ քաղաքապետարանըվստահեցնում է, որ գործի են դրել ամբողջ տեխնիկան, հարցը դրա քանակն է։ Անվադողերն էլ` այո, ձմեռային չէին, այլ, այսպես կոչված` համասեզոնային, ինչն օրենքով արգելված չէ։
Հարցը, թե ինչու առաջացավ ճանապարհային կոլապսը Երևանում, Sputnik Արմեիան ուղղել է Երևանի քաղաքապետարանի տրանսպորտի վարչության նախկին պետ Էդգար Գալստյանին։