Պուտինը կոչ է արել չշտապել ԱՄՆ-ի հետ տեխնոլոգիաների փոխանակման հարցում

ԵՐԵՎԱՆ, 21 փետրվարի - Sputnik. ՌԴ նախագահ Վլադիմիր Պուտինը Կուրչատովի ինստիտուտի նախագահ Միխայիլ Կովալչուկին խորհուրդ է տվել չշտապել ԱՄՆ-ի հետ առաջադեմ տեխնոլոգիաների փոխանակման հարցում: Նրա խոսքերը մեջբերում է ՏԱՍՍ-ը։

Կովալչուկը Ապագա տեխնոլոգիաների ֆորումի ցուցահանդեսը դիտելու ընթացքում ՌԴ ղեկավարին պատմել է եզակի նյութի մասին, որն օգտագործվում է այդ թվում հայրենական սառցահատների արտադրության մեջ:

Կուրչատովի ինստիտուտի ղեկավարը նշել է, որ սա ԱՄՆ-ի հետ հնարավոր երկխոսության թեմա է, քանի որ Ռուսաստանն այդ ոլորտում աշխատանքի 60 տարվա փորձ ունի: