Շիրակի մարզում ձյուն է տեղում, որոշ հատվածներում բուք է. ի՞նչ իրավիճակ է ՀՀ ճանապարհներին

ԵՐԵՎԱՆ, 19 փետրվարի – Sputnik. ՀՀ Շիրակի մարզի Աշոցքի տարածաշրջանում ձյուն է տեղում։ Տեղեկությունը հայտնում է «Ճանապարհային դեպարտամենտ» հիմնադրամը։

«Փետրվարի 19-ին՝ ժամը 9:00-ի դրությամբ, Հոռոմ-Արթիկ-Ալագյազ ավտոճանապարհին բուք է»,– ասված է հաղորդագրությունում։

Միջպետական և հանրապետական նշանակության բոլոր ավտոճանապարհները բաց են։

Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ: