ԵՐԵՎԱՆ, 13 փետրվարի – Sputnik. Հայ մարմնամարզիկները չեն մասնակցի աշխարհի գավաթի 2-րդ փուլին, որն անցկացվելու է Ադրբեջանում։ Տեղեկությունը հայտնում է Հայաստանի մարմնամարզության ֆեդերացիան։
Փետրվարի 18-ից 24-ը Գերմանիայի Կոտբուս քաղաքում կկայանա Աշխարհի գավաթի առաջին փուլը, որտեղ մեծահասակների կազմում իրենց դեբյուտը կնշեն Համլետ Մանուկյանը և Մամիկոն Խաչատրյանը: Աշխարհի գավաթին կմասնակցեն նաև Արթուր Դավթյանը, Վահագն Դավթյանը և Արթուր Ավետիսյանը:
«Աշխարհի գավաթի երկրորդ փուլը կայանալու է Բաքվում, որին մեր թիմը չի մասնակցի»,– ասված է հաղորդագրությունում:
Հիշեցնենք` Արթուր Դավթյանը 2024 թվականին դարձավ օլիմպիական խաղերի արծաթե մեդալակիր, Վահագն Դավթյանը օլիմպիական խաղերում 6-րդ տեղը զբաղեցրեց։