Ազգային ժողովի նախագահ Ալեն Սիմոնյանը լրագրողների հետ ճեպազրույցում ասել է, որ չի կարծում, թե Ադրբեջանի հետ բանակցությունները փակուղում են հայտնվել։
«Մենք շարունակում ենք ակտիվ աշխատել սահմանագծման ու սահմանազատման հարցում, ճիշտ է` ադրբեջանական կողմն արդեն 3-րդ ամիսն է, որ մեր առաջարկին որևէ արձագանք չունի, ադրբեջանական կողմի կեցվածքը խիստ մտահոգիչ է».- նշել է Սիմոնյանը։
Օրենսդիր մարմնի ղեկավարի կարծիքով` խաղաղության պայմանագրի վերաբերյալ առաջարկներին չպատասխանելը կարող է կարող է կապված լինել Ադրբեջան-Ռուսաստան սրված հարաբերությունների հետ։
Սիմոնյանի խոսքով` Ադրբեջանի և Ռուսաստանի դաշնակցային հարաբերությունները բավականին մեծ դեր են խաղում ու խաղացել վերջին ժամանակների բոլոր գործողություններում։ Պաշտոնյան քիչ հավանական է համարել, որ հայկական կողմը կընդունի Մոսկվայի միջնորդական ջանքերը։