ԵՐԵՎԱՆ, 10 փետրվարի – Sputnik. Իսրայելի վարչապետ Բենիամին Նեթանյահուն պետք է փոխհատուցի Գազայի հատվածին հասցված 100 միլիարդ դոլարի վնասը: Այս հայտարարությունն արել է Թուրքիայի նախագահ Ռեջեփ Թայիփ Էրդողանը, որը գտնվում է Մալայզիայում։
«Գազայի բնակիչների համար տեղ փնտրելու փոխարեն, որոնց նա չի կարող վտարել իրենց հողից, Նեթանյահուն պետք է միջոցներ փնտրի Գազային հասցված 100 միլիարդ դոլարի վնասը հատուցելու համար», - հայտարարել է Թուրքիայի առաջնորդը:
Հիշեցնենք` հունվարի 19-ից Գազայի հատվածում հրադադարի ռեժիմ է գործում Իսրայելի և պաղեստինյան ՀԱՄԱՍ շարժման միջև ձեռք բերված համաձայնության շրջանակում։
Փետրվարի 8-ին տեղի է ունեցել պաղեստինցի բանտարկյալների և իսրայելցի պատանդների հինգերորդ փոխանակումը։
Իսրայելն արդեն հասցրել է վերադարձնել 21 պատանդի, այդ թվում՝ Թաիլանդի 5 քաղաքացու: