Բորիսովն ազատվել է պաշտոնից, «Ռոսկոսմոսի» ղեկավար է նշանակվել Դմիտրի Բականովը

ԵՐԵՎԱՆ, 6 փետրվարի – Sputnik. «Ռոսկոսմոս» պետական կորպորացիայի գլխավոր տնօրեն է նշանակվել ՌԴ տրանսպորտի նախկին փոխնախարար Դմիտրի Բականովը:

Ռուսաստանի նախագահի համապատասխան հրամանագիրը հրապարակվել է պաշտոնական և իրավական տեղեկատվության կայքում:

Դմիտրի Բականովը 2022 թվականի ապրիլից զբաղեցնում էր ՌԴ տրանսպորտի փոխնախարարի պաշտոնը։ Ավելի վաղ նա ղեկավարել է «Ռուսաստանի Փոստ» ընկերությունների խմբի «Փոստային լոգիստիկ ընկերությունը», իսկ 2012-2019 թվականներին՝ «Ռոսկոսմոսի» կապի և վերահեռարձակման համակարգերի միասնական օպերատոր «Գոնեց» ընկերությունը։ 2019-2021 թվականներին եղել է տրանսպորտի նախարարության թվային զարգացման դեպարտամենտի ղեկավարը։